Monday, March 29, 2010

ഗുളികന്‍!

അവള്‍ക്കു ചൊല്ലാന്‍ മടി!
കണ്മഷി കറുപ്പിച്ച നീര്‍മിഴി
 പ്പീലിനോക്കി നന്നെന്നു പറയുവാന്‍
ഇന്നുമങ്ങതേ മടി !!

അവള്‍ക്കു ചൊല്ലാന്‍ മടി !
വെന്തെരിച്ചരികളെ
കൊന്നൊടുക്കുന്നോരീ
വമ്പനാം  റൈസ് കുക്കെര്‍
നന്നെന്നു ചൊല്ലാന്‍ മടി!
അവള്‍ക്കു ചൊല്ലാന്‍ മടി!
നാലുകാശുണ്ടാക്കുന്ന
ജോലി ഞാന്‍ ചെയ്യാം തരൂ
പഠിപ്പിന്‍ കണക്കതില്‍
പരന്ന അദ്ധ്യായങ്ങള്‍!

അവള്‍ക്കു പിന്നേം മടി
ഓമനപ്പെണ്ണിന്‍ കുഞ്ഞിന്‍ ഓമന മുഖം
കാണാന്‍ ഓമനേ പൊന്നിന്‍ ചന്തം!
ഓതിയില്ലവളൊന്നും!

അവള്‍ക്കു നല്‍കാന്‍ മടി
വിശന്ന വയറിന്‍റെ
കരിഞ്ഞ മണമേന്തും
മുഖത്തുനോക്കീത്തന്നെ
വിഴുങ്ങിക്കഴിക്കുന്നു !!

അവളെങ്ങാന്‍ പറഞ്ഞെന്നാല്‍
എനിക്ക് ഗുണം വന്നാല്‍
അവളും നാക്കും പിഴച്ചോടുങ്ങി
പോയീടിലോ!!

അല്ലെന്റെ സരസ്വതീ
നാവിന്മേല്‍ ഗുളികനാല്‍ ..
ഇന്നെന്‍റെ ലോകം മുടിഞ്ഞ -
ര്‍ത്ഥമേ ഇല്ലെന്നായോ!