.വീട്ടുജോലി സ്കൂള് ജോലി കുട്ടി കുടുംബം അനാരോഗ്യം ആവലാതി ..ഇതിലെവിടെയോ മരിച്ചു പോകയാണെന്റെ എഴുത്ത് ! നൈരാശ്യം ബാധിക്കാതെ സൂക്ഷിക്കുന്ന മനസ്സ് മെല്ലെ മെല്ലെ മടുത്തുപോകുന്നു ..വരയക്കാൻ വയ്യാത്ത പകലുകൾ രാത്രികൾ ..പറഞ്ഞ ജോലികൾ ..ഏറ്റെടുത്ത വാക്കുകൾ ഒക്കെ മാറി മറയുന്നു ..കൂട്ടുകാരെ പൊറുക്കുക ..എന്റെ രണ്ടുകൈകൾക്കും തലച്ചോറിനും ചെയ്‌താൽ തീരാത്ത ജോലികൾ ബാക്കി ..ഞാൻ എന്തുവേണം !!

ഇനിയും മരിക്കാത്ത ഭൂമി
നിന്നാസന്ന മൃതിയിൽ
നിനക്കമൃത ശാന്തി !
(കണ്ണീർപ്രണാമം പ്രിയ കവേ !)

എന്റെ കുട്ട്യോളുടെ ആദ്യ പരീക്ഷ അങ്ങനെ കഴിഞ്ഞു ..എന്നെ ഒരു ഗുരു ആയി ചേർത്തു പിടിച്ചതിന് തൊണ്ടയിൽ കണ്ണീർതടഞ്ഞ വേദനയുടെ സന്തോഷത്തിന് .. നിങ്ങളെ ഞാനെന്റെ നെഞ്ചോടു ചേർത്തു പിടിക്കുന്നു ..എന്റെ മോളെപ്പോലെ തന്നെ..

പ്രണയം ..പ്രണയാക്ഷരങ്ങൾ കുറിക്കുവാനിവിടെ എത്ര പെണ്ണുങ്ങൾ !! അതിലൊരുവളായി ഞാനും ..കൂടെ 99 പെണ്ണുങ്ങൾ വേറെയും ..താരങ്ങൾ താരകങ്ങൾ എല്ലാവരും ഉണ്ട് ..പ്രണയദിനം പൂത്തുലഞ്ഞു  വരുന്നുണ്ട് ..ഈ പൂമണം എങ്ങും പരക്കട്ടെ .. മൈത്രി പബ്ലിക്കെഷന്‍സിന്‍റെ നൂറു പ്രണയ കവിതകള്‍ ... ധനേഷിനു നന്ദി സ്നേഹം .കൂടെയെഴുതിയ പ്രിയപ്പെട്ടവർക്കും ഏറെ സ്നേഹം

ഇതിലും ഞാൻ എഴുതിയിട്ടുണ്ടത്രേ ..ഒലിവ് പറയുന്നു .. പക്ഷെ എനിക്ക് കിട്ടീല്ല ..ഞാൻ വാങ്ങിയും ഇല്ല !

എന്ത് നല്ല കഥകൾ ആണ് ഷാഹിനയുടെതെന്നോ ..ഇതാ ഇന്നലെ ഞാൻ കൈരളി കൾച്ചറൽ  ഫോറം എൻ .പി. സി. പി. യുടെ 2015 വാർഷികപ്പതിപ്പ് വായിക്കുമ്പോൾ ആദ്യം വായിച്ച കഥ "ഉണ്ണീ നിനക്കായ്‌ " ആണ് ..എനിക്ക് കരയണോ ചിരിക്കണോ അതോ എവിടേയ്ക്കോ ഇറങ്ങി നടക്കണമെന്നോ എന്നൊക്കെ തോന്നാൻ കാരണം ഷാഹിനാ നിന്റെ കൈവിരലുകളുടെ മുദ്രണം ഒന്ന് മാത്രമാണ് ..എഴുതി എഴുതി ഈ ഭൂലോകം നിറയ്ക്കാൻ വാനോളം ആശംസകൾ ..നിനക്ക് കിട്ടുന്ന സമ്മാനങ്ങൾ നിനക്ക് വേണ്ടുന്നവ തന്നെയാണ് ..അഭിമാനിക്കുന്നു സന്തോഷത്തോടെ കൂടെ നില്ക്കുന്നു ! 

ചിലർ കൂടോത്രം ചെയ്യുമത്രേ ! മ്മടെ ബ്ലാക്ക്‌ മാജിക്കെ !! അത് ചെയ്യണോരുടെ ശ്രദ്ധയ്ക്ക് ..ങ്ങടെ പത്തു തലമുറയിലെ മക്കൾക്കും കൊച്ചുമക്കൾക്കും പേരമക്കൾക്കും ആണത്രേ എട്ടിന്റെ പണി കിട്ടാൻ പോണത് ..കൊണ്ടതിന്റെ ശാപം തിരിച്ച് ബൂമറങ്ങായി അവരിൽ വീണത്‌ തീർത്താൽ തീരില്ലത്രേ !!(ഔ ഓരോരോ അറിവുകളെ എന്റമ്മച്ചീ !!)